Shfaqja “Medea”, një nga kryeveprat e antikitetit grek, ka bërë bashkë emra të madhej të aktorëve shqiptarë, ku ndër ta është edhe Alfred Trebicka.
Ky i fundit ka qenë sot i ftuar në emisionin “Kush vjen për drekë”, ku ndër të tjera ka rrëfyer incidentin që i ndodhi në teatër për shkak të të cilit përfundoi në spital.
Trebicka ka pohuar se përplasja ishte e rëndë, ndërsa i është dashur një ndërhyrje kirurgjikale.
“Në momentin e fundit të provës gjenerale për shfaqjen “Medea” u fikën dritat siç ndodh pas shfaqjes dhe një nga objektet e skenës nuk ishte në vendin ku kishte qenë gjithmonë dhe në atë errësirë duke tentuar të dal nga skena u përplasa me atë objekt hekuri. Në momentin e parë nuk mendova se ishte shumë rëndë por pasi u qetësua situata pashë që ishte e nevojshme një ndërhyrje kirurgjikale”, – tha Trebicka